सच का प्यादा..!

अस्थिर मन हो गया स्थिर

भीतर पाया खुद ही स्वरुप

क्या पूरा क्या बचा आधा

कुछ ना मिला खुद से ज्यादा

पवित्र निर्मल शितल छाया

कुछ और शेष ना पाया

कणखर भी फूल बने

जब वो तुझे अपने लगे

बनकर तू मन का सारथी

आचरण में फूलों की सादगी

पूजा मै वक्त क्यों करू जाया

जब तू ही पूजनीय भाया

कठोर तप बन गया साधा

हाथ लगा जब सच का प्यादा

- रानमोती / Ranmoti

दिवस-रात्र कार्यरत असणारे 'प्रकाशदूत' - वीज कर्मचारी

    आज TAUKTAE CYCLONE च्या निमित्ताने जुन २०२० मध्ये आलेल्या महा भयावह निसर्ग चक्रीवादळाची आठवण झाली. गत वर्षी निसर्ग चक्रीवादळामुळे तडाखा बसलेल्या महाराष्ट्र राज्यातील कोंकण किनारपट्टी लगतची वीज वितरण व्यवस्था सर्वाधिक प्रभावित झाली होती आणि ती पूर्वपदावर आणण्यासाठी महाराष्ट्रातील वीज कर्मचाऱ्यांनी कोरोना काळात अहोरात्र प्रयत्न केले होते. त्यांच्या निसर्ग चक्रीवादळ काळातील पराक्रमाची पराकाष्टा त्यावेळी देश पातळीवर Role Model म्हणून ओळखल्या गेली. त्याच पराक्रमाची आठवण पुनः एकदा वीज कर्मचारी व अभियंते TAUKTAE CYCLONE मुळे विस्कटलेली वीज वितरण व्यवस्था पूर्ववत करण्यासाठी घेत असलेल्या प्रयत्नातून दिसून येत आहे.

    यावेळी मात्र कोरोना महामारीच्या संकटाने अधिक रौद्र रूप धारण केले असून देखील जीवाची तमा न बाळगता कर्तव्य सर्वोतपरी मानणारे वीज कर्मचारी दवाखाने, Oxygen प्लांट यांच्यासह तुमच्या-आमच्या सर्वांच्या घरांना अविरत वीज पुरवठा करण्याच्या उद्देशाने मैदानात रणशिंग फुंकून तयार आहेत. चक्रीवादळासारख्या नैसर्गिक आस्मानी संकटांना तोंड देणारे, सामान्यांच्या जीवनात सदैव प्रकाश म्हणून उभे राहणारे वीज कर्मचारी मात्र नेहमीच प्रसिद्धीपासून दूर असतात. याउलट काही क्षणांसाठी जर वीज बंद पडली तर त्याची सर्वमुखाने ऐशी तैशी होते. 

    जवळपास सर्वच जीवनावश्यक बाबी ह्या विजेवर अवलंबून असून देखील वीज क्षेत्राला व त्यामधील काम करण्याऱ्या कर्मचाऱ्यांना त्यांच्या हिस्स्याचा न्याय कधीच मिळतांना दिसत नाही. आजही कोरोना महामारीला दीड वर्षाचा कालावधी ओलांडला असला तरी 'फ्रंट लाईन वर्कर' म्हणून त्यांना मानण्यास सामान्यांसह प्रशासन देखील उत्साही दिसत नाही. दुर्दैवच म्हणावं लागेल.

    आज TAUKTAE CYCLONE मुळे कोकणामध्ये गंभीर स्वरूपात विस्कळीत झालेले विजेचे नेटवर्क पूर्वपदावर आणण्याकरिता २४x७ कार्यरत असणारे वीज कर्मचारी, अभियंते व अधिकारी खरोखरच कौतुकास पात्र असून तुम्हा-आम्हा, सर्वांसाठी प्रकाशदूतचं म्हणावे लागतील. अंधार दूर करून प्रकाशाचं दर्शन घडविणाऱ्या वीज कर्मचाऱ्यांना मनापासून धन्यवाद! 

(रानमोती / Ranmoti)

.....रडाया लागलं !

आभाळ आज धो धो रडाया लागलं
जाण्याने तुझ्या मन त्याचंही दुभागलं

भन्नाट सुटला वारा हा असा कसा
घेऊन गेला आमच्या लाडक्या माणसा
 नयनी ढगांच्या घट्ट काळोख दाटला

विजांनी कडकड दु:खी टाहो फोडला

संयमी शांत तुझ्या कर्माचे सुत्र
गावचा एक तुच लाडका भुमीपुत्र

छोट्याश्या जीवनाला तू केलं मोठं
विरोधकांनाही प्रेम दिलं जाणवलं छोटं  

गेलास तू चुकवून काळजाचा ठोका
कोणी सांभाळावं तुझ्या भाबडया लोका
दीन जणांचा कैवारी तू श्रध्देची आशा
मृत्युच्या वादळाने केली आज निराशा

गावच्या मातीत तुझ्या यशाच्या खुणा
तुझ्याविना विकास कोण घडवेल सांग ना
परतुनी ये पुन्हा आमच्या वाट्याला
मुखाग्नी दे दु:खाच्या प्रचंड साठ्याला

रिकामी जागा भरुन कशी निघणार
अंधारले डोळे सांग कधी तु दिसणार

जाण्याने तुझ्या मन त्याचंही दुभागलं

आभाळ आज धो धो रडाया लागलं

- रानमोती / Ranmoti

रुजव जरा काळजात....

हे मराठी माणसा नको भांडू आपसात
स्वराज्य टिकविले संभाने रुजव जरा काळजात

तुकडे झाले चार पाच अन हजार
तरी नाही कुठलाच पराक्रमाचा बाजार
कसे असेल ते जगणे अन मरणे
समजून घ्यावे स्वतः सांगावे न लागणे

राजे आम्ही फक्त कहाण्या ऐकल्यात
आपण मात्र त्या प्रत्यक्षात भोगल्यात
स्वराज्याचा पेलला उरावर डोंगर
लढायांचा नजाणे कसा हाकलास नांगर

राजे आयुष्य जरी तुम्हाला लाभले लहान
जिद्द आणि धाडसाने कर्तुत्व जाहले महान
क्रूर औरंगजेबाने जरी तुमचे डोळे काढले
आत्मविश्वासाने तुमच्या मात्र त्यास येथेच गाडले

आम्ही फक्त मालिका पाहिल्यात
आपण मात्र अनंत वेदना साहल्यात
हे मराठी माणसा नको भांडू आपसात
स्वराज्य टिकविले संभाने रुजव जरा काळजात

- रानमोती / Ranmoti

रख रख रान..

रख रख रान

हरवला प्राण

तहानली गाय

सुकली माय

अनवाणी पाय

निरखून जाय

तापला रवी

अंगार लावी

कुठून आणू

स्वासाचा वारा

जीव झाला जणू

डोक्यावर भारा

दूरच्या रानात

काटेरी बाभूळ

फाटली धरणी

उघडं झालं मूळ

आडोसा सावलीचा

पदर माऊलीचा

कधी संपेल वनवा

कोरड्या घासाचा

रिकामी घागर

कडक दुपार

वणवण चाले नार

तुडवत शिवार

पाण्याचा टाहो

फुटला घरात

रिकामी भांडी

वाजली जोरात

माठाच्या तळाशी

पाण्याचा गाळ

गळून पडला

बाळाचा नाळ

उपाशी पोटी

गाईचं कोरडं थान

हंबरडा फोडत

हरवू लागली भान

लहानग्या वासराच्या

ओल्या झाल्या कडा

श्रीमंताच्या वाड्याला

शेणा मातीचा सडा

भांडायला देवा तुला

ना उरला त्राण

तुझं रख रख रान

माझा हरवला प्राण

- रानमोती / Ranmoti

..बस साँस लेना

पल भर का होगा मेला
फिर जीवन अकेला
तू सिखले आदमी जीना
सुकून से बस साँस लेना

जहाँ में सबका बसेरा
हर ख़्वाब लगे तुझे तेरा
हकीकत में यहाँ कोई न तेरा
जी ले बस हरपल नया सवेरा

जब हसे तेरी मुस्कान
समझ खुदा है मेहरबान
मांग ले मन्नत कदरदान
बस साँस लेना हो आसान

कठनाई में याद आये खुदा
वरना सुख में तू खुदपर ही फ़िदा
अब बस सब्र को बना अपनी अदा
मौत का खौप भी रहेगा तुझसे जुदा

. . . तू सिखले आदमी जीना,
सुकून से बस साँस लेना।

- रानमोती / Ranmoti

अखंड महाराष्ट्र एक नजर..

अखंड महाराष्ट्र एक नजर

सांगते विरासत ऐका बखर

लढवय्या प्रांत माझा कणखर

देशाचा प्राण प्रसिद्ध जगभर

छत्रपती रुपी एक महाराजा

तटस्थ जणू सहयाद्री भुजा

अडवीला उसळता पामर

 असो जय महाराष्ट्र गजर

मुकुट शोभिला सातपुडा

डोलती कौलतीरीं कडा

नयनी कृष्णा गोदावरी

नेसली पैठणी भरजरी

सुरेल मराठी बोली भाषा

वाजती चौघडे अन ढोल ताषा

नाशिका विराजती त्र्यंबकेश्वर

मराठवाडा मुक्कामी घृष्णेश्वर

कुलदेवता पंढरीच्या नाथा

वैभव समृध्द तो घाटमाथा

भारत मातेच्या जणू गर्भात

खनिज संपत्ती गडगंज विदर्भात

कोल्हापुरी पंचगंगा येती संगमा

जळगावी केळी दाटल्या हंगामा

कोकणी राजा रसाळ हापूस

यवतमाळी बोंडी फुटला कापूस

टोकाला सातारा अन सोलापूर

महाराष्ट्रावर जणू मायेची चादर

भिवापुरी मिरची तोफेची गोळी

स्वादिस्ट लाभली मधुर पुरणपोळी

नांदेडी आस्थापित गुरु गोविंद

यात्रा जोतिबा देई परमानंद

उल्कापाताचे लोणार सरोवर

धन्य ही महाराष्ट्राची धरोहर

पुण्याची शान शनिवार वाडा

साष्टांग नमन शिवनेरी गडा

बांधुनी केशरी स्वाभीमानी फेटा

सज्ज सिंधुदुर्ग रोकण्या लाटा

वन्यप्राणी विहार करती ताडोबा

राजधानी मुंबई सर्वांचा घरोबा

सागरी वारे वाहतात भराभरा

थंडावी महाबळेश्वर अन चिखलदरा

समुद्र सपाटी सजली रत्नागिरी

उंच डोंगरात लुप्त मुक्तागिरी

विसरुनी जगाचे ब्रह्मज्ञान

शांत बसला अलिप्त माथेरान

डोक्यावर रचला नंदुरबार

लावणी नृत्यात फटाकडी नार

करी माणसे वेडे अन खुळे

दुग्ध सरीतेत न्हालं धुळे

अकोला वाशीम मध्यघाट पातूर

शिक्षणाचं पॅटर्न प्रसिध्द लातूर

कुठे सुटली लाडकी सांगली

गोजिरी भीमा हळुवार रांगली

अनंत हा महाराष्ट्राचा वसा

सांगू तुम्हा किती अन कसा

जर दुखलं कुणाचं नाक अन घसा

लवकर घ्या कोरोनाच्या लसा

अखंड महाराष्ट्र... जय महाराष्ट्र...!

- राणी मोरे (उलेमाले)