गोष्ट आहे माझ्या वर्गातल्या बंडूची
नवीन आलेल्या बाईची
एक दिवस शाळेत
झाली जरा घाई
नवीन होत्या बाई
नाव त्यांचे बापट
बंडूला मारली चापट
हातात होती छडी
बंडूला वाटली बेडी
डोळयातुन राग गाळत
चष्मा सांभाळत
बाई म्हणाल्या बंडूला
ताठ उभा रहा
फळयाकडे पहा
नीट कर नाडा
बंद कर राडा
लवकर म्हण आता
बे चा पाढा
बंडू थोडा कापला
उभ्यातच वाकला
नजर त्याची भेरकी
घेत होती गिरकी
वहीत लिहीलेल्या पाढ्यावर
स्थिरावला त्याचा डोळा
घाई घाई त्याने
पाढा केला गोळा
आणि सुरु झाला
बे एके बे
बे दुणे चार
तिसऱ्याच अंकावर
बंडू झाला गार
हे बघून सारं
बाई झाल्या सुरु
काय रे बंडू
आहे नुसता झेंडू
बंडू होता धीट
उभा राहुन नीट
विनंती करुन म्हणाला
चुकलं माझ जरा
आज माफ करा
ठेऊन सारं भान
अभ्यास करीन छान
तेवढ्यात वाजली घंटा
संपला होता तंटा
दप्तर गुंडाळत
थोडासा रेंगाळत
बंडू गेला पळून
मुले मात्र त्याला
पाहत होती वळून
No comments:
Post a Comment
Your valuable comments are highly appreciated and very much useful to further improve contents in this Blog.