![](https://blogger.googleusercontent.com/img/b/R29vZ2xl/AVvXsEiGph2iAMO8vTKlPOAvg2LSet-ltGQaXGZzQzafUZH43ddGCgPoSU97z6h7DIwuY_n2TzzNA8zwgJSRYIluM5iASwCg2cbzfRH8NK0sW00qYJlLWKsV8XfCBwSLmdGkHm7ePv3d_XwoAwQ/w320-h200/Lagnacha+kot.jpg)
कवडश्यात कपाटाच्या
वस्त्र होते जुने ओत प्रोत
क्षणात स्मरिला भूतकाळ
दृष्टिस पडताच लग्नाचा कोट
चढवून जणू राजवस्त्र देहावरती
स्वार होताच अश्वावरती
वाजू लागले ढोल ताशे
आजही माझ्या काळजावरती
रुबाब त्याचा काय तो होता
सावळया वर्णावर माझ्या
सवंगडी पाहताच बोलु लागले
दिसतोस जणू बिंडा राजा
कोटावरती चमकदार साखळी
मज संगे डोलू लागली
अक्षतांचा वर्षाव होताच
कोटा संगे बोलू लागली
पडताच गऴयात वरमाला
फुलांचा सुगंध त्यास लागला
हळूच त्याने डाव साधला
उपस्थितांना मोहून गेला
हात फिरविता कोटावरती
वर भावना दाटून आली
घालताच पुन्हा घडी
खूपच छान जुन्या आठवणी ताज्या झाल्या
ReplyDelete👌👌👌
ReplyDelete👍👍
ReplyDelete